महाराष्ट्रातील नागपूरजवळील गोरेवाडा रेस्क्यू सेंटरमध्ये एव्हियन फ्लू H5N1 विषाणूमुळे तीन वाघ आणि एका लहान बिबट्याचा मृत्यू झाला आहे. त्यामुळे संपूर्ण महाराष्ट्रात रेड अलर्ट जारी करण्यात आला आहे.
अधिकाऱ्यांनी सांगितले की, डिसेंबरमध्ये चंद्रपूरमधील ग्रामस्थांवर हल्ला केल्यानंतर या प्राण्यांना गोरेवाडा रेस्क्यू सेंटरमध्ये हलवण्यात आले होते. त्यापैकी एक वाघ 20 डिसेंबरला तर इतर दोन वाघ 23 डिसेंबरला मरण पावले. वाघांच्या मृत्यूनंतर नमुने भोपाळस्थित ICAR-NISHAD कडे तपासणीसाठी पाठवण्यात आले होते.
ज्याचा अहवाल 1 जानेवारीला आला. H5N1 बर्ड फ्लूमुळे जनावरांचा मृत्यू झाल्याची पुष्टी झाली. दरम्यान, गोरेवाडा रेस्क्यू सेंटरमध्ये उपस्थित असलेल्या 26 बिबट्या आणि 12 वाघांची चाचणी करण्यात आली आणि ते सर्व निरोगी आढळले. मात्र, महाराष्ट्रातील सर्व प्राणीसंग्रहालय, बचाव केंद्र आणि संक्रमण केंद्रांवर रेड अलर्ट जारी करण्यात आला आहे.
