अकोला शहरासह जिल्ह्यातील परीक्षा केंद्रावर मंगळवारपासून बारावीची परीक्षा सुरु झाली असून जिल्ह्यात बारावीच्या परीक्षेसाठी एकूण 88 परीक्षा केंद्र निश्चित करण्यात आले आहे. जिल्ह्याभरातून बारावीच्या परीक्षेसाठी 25,569 विद्यार्थी बसले आहे.
परीक्षेत नकल रोखण्यासाठी शिक्षण विभाग, जिल्हा प्रशासन आणि पोलीस विभाग सज्ज असून परीक्षा केंद्रावर योग्य नियोजन केले आहे. सर्व परीक्षा केंद्रावर सीसीटीव्ही केमेऱ्याद्वारे निरीक्षण केले जात आहे.
बारावीच्या सामान्य परीक्षेसोबतच दुहेरी आणि व्यावसायिक अभ्यासक्रमांसाठी तसेच माहिती तंत्रज्ञान आणि सामान्य ज्ञान विषयांसाठी ऑनलाईन परीक्षा सोमवारपासून सुरु झाली असून शेवटचा पेपर 18 मार्च रोजी असेल. परीक्षा सुरु असताना परीक्षा केंद्रांवर जिल्हाधिकाऱ्यांनी भेट दिली आणि व्यवस्थेची पाहणी केली.
तसेच परिस्थितीचा आढावा घेतला. परीक्षा योग्यरीत्या पार पडावी या साठी स्थापन केलेल्या फ्लाईंग टीम ने 14 परीक्षा केंद्रांना भेट दिली. या मध्ये जिल्ह्यातील पातूर, वाड़ेगाव , बार्शीटाकळी, कान्हेरी, गायगाव, गांधीग्राम, नया अंदुरा गावांचा समावेश आहे.
बारावीच्या परीक्षेसाठी परीक्षा केंद्रांवर कॉपीमुक्त वातावरण सुनिश्चित करण्यासाठी आणि परीक्षा निरोगी वातावरणात पार पडाव्यात यासाठी जिल्ह्यात 22 केंद्र पथके आणि 6 उड्डाण पथके नियुक्त करण्यात आली आहेत. परीक्षेदरम्यान कोणताही अनुचित प्रकार घडू नये म्हणून सर्व पथकांनी सतर्क राहून परीक्षा केंद्रांवर नियमितपणे लक्ष ठेवावे आणि तपासणी करावी, अशा सूचना जिल्हा दंडाधिकारी अजित कुंभार यांनी दिल्या आहेत. यासाठी, या संघांना सहकार्य करणे हे प्रत्येकाचे काम असल्याचे ते म्हणाले.
