छत्रपती शिवाजी महाराज टर्मिनस (सीएसएमटी) स्थानकाजवळ आज मुंबई लोकल ट्रेन रुळावरून घसरली. प्राथमिक माहितीनुसार हा अपघात सीएसएमटी स्थानकाजवळ झाला. सीएसएमटी स्थानकाच्या फलाट क्रमांक 2 कडे जात असताना लोकल रुळावरून घसरली. रेल्वे प्रशासनाकडून दुरुस्तीचे काम युद्धपातळीवर सुरू आहे.
छत्रपती शिवाजी महाराज टर्मिनस (CSMT) रेल्वे स्थानकावर एक लोकल ट्रेन रुळावरून घसरली आहे. त्यामुळे हार्बर मार्ग विस्कळीत झाला आहे. दोन दिवसांतील ही दुसरी घटना आहे. यापूर्वी सोमवारी दुपारच्या सुमारास अशीच घटना घडली होती. त्यानंतर आज ऐन गर्दीच्या वेळी मुंबई लोकल वाहतूक विस्कळीत झाल्याने प्रवाशांच्या अडचणी वाढल्या आहेत. या घटनेमुळे हार्बर मार्गावरील स्थानकांवर प्रवाशांची मोठी गर्दी झाली आहे.
मध्य रेल्वेने अधिकृत निवेदन जारी करून म्हटले आहे की, सीएसएमटी स्थानकाजवळ सदोष जागेची दुरुस्ती केल्यानंतर चाचणीदरम्यान मुंबई लोकलच्या रिकाम्या रेलची दोन चाके रुळावरून घसरली. त्यामुळे सीएसएमटी ते वडाळा रोड स्थानकादरम्यानच्या लोकल फेऱ्यांवर परिणाम झाला आहे. मात्र, रुळावरून घसरलेला डबा18.25 वाजता पुन्हा रुळावर आणण्यात आला. मात्र गाड्यांची वाहतूक सुरू झालेली नाही.
मध्य रेल्वेच्या मुंबई उपनगरीय लोकल सेवेच्या हार्बर मार्गावर सोमवारीही अपघात झाला. पनवेलहून येणाऱ्या लोकल ट्रेनची एक ट्रॉली सकाळी 11.35 वाजता सीएसएमटी स्थानकाच्या प्लॅटफॉर्म क्रमांक 2 वर पोहोचत असताना रुळावरून घसरली.
त्यामुळे हार्बर मार्गावरील अनेक गाड्या रद्द करण्यात आल्या आहेत. तर सीएसएमटी ते वडाळा रोड स्थानकादरम्यान लोकल धावत नाहीत. त्याचबरोबर इतर लोकल गाड्या उशिराने धावत आहेत.
