महाराष्ट्रात राज्याचा अर्थसंकल्प पुढील महिन्यात मार्चमध्ये राज्याचे अर्थमंत्री सादर करतील. महाराष्ट्र विधिमंडळाचे अर्थसंकल्पीय अधिवेशन 3 मार्चपासून सुरू होणार आहे. त्यामुळे सभागृहाचे कामकाज 25 तारखेपर्यंत सुरू राहील. हे बजेट राज्याचे अर्थमंत्री आणि उपमुख्यमंत्री अजित पवार 10 मार्च रोजी विधान परिषदेत सादर करतील आणि राज्यमंत्री आशिष जयस्वाल 2025-26 या आर्थिक वर्षाचा अर्थसंकल्प विधान परिषदेत सादर करतील.
2025-26 या आर्थिक वर्षाच्या अर्थसंकल्पावर सर्वसाधारण चर्चेसाठी दोन दिवस आणि विभागांच्या मागण्यांवर चर्चेसाठी पाच दिवस देण्यात आले आहेत. महाराष्ट्र विधिमंडळाचे अर्थसंकल्पीय अधिवेशन 3 मार्च 2025 पासून सुरू होईल. या अर्थसंकल्पीय अधिवेशनाच्या पहिल्या दिवशी, महाराष्ट्राचे राज्यपाल विधिमंडळाच्या संयुक्त बैठकीला संबोधित करतील.
पहिल्या दिवशी राज्यपालांच्या अभिभाषणानंतर, दोन दिवस त्यावर चर्चा होईल. तसेच, अर्थसंकल्पीय अधिवेशनाच्या पहिल्या दिवशी पुरवणी मागण्या मांडल्या जातील. या पुरवणी मागण्यांवर चर्चा करण्यासाठी दोन दिवस राखून ठेवण्यात आले आहेत. दोन दिवसांच्या चर्चेनंतर अर्थसंकल्प मंजूर केला जाईल.
अधिवेशनासाठी 8 आणि 9 मार्च रोजी सुट्टी जाहीर करण्यात आली आहे. राज्याचा अर्थसंकल्प अधिवेशनाच्या दुसऱ्या आठवड्याच्या पहिल्या दिवशी, 10 मार्च रोजी सादर केला जाईल. यानंतर, दुसऱ्या दिवशी अर्थसंकल्पावर सर्वसाधारण चर्चा सुरू होईल. दुसऱ्या आठवड्यात, 14 मार्च रोजी होळीनिमित्त सुट्टी असेल. 15 आणि 16 मार्च रोजी शनिवार आणि रविवार असल्याने सुट्टी असेल. यानंतर17 ते 21 मार्च दरम्यान वेगवेगळ्या मागण्यांवर चर्चा केली जाईल. अशाप्रकारे सभागृहाचे कामकाज 25 मार्चपर्यंत सुरू राहील
