राष्ट्रवादी काँग्रेसच्या दोन गटांच्या विलीनीकरणाच्या चर्चेदरम्यान शिवसेना यूबीटीचे नेते संजय राऊत यांनी मोठा दावा केला आहे. यामुळे राज्यातील राजकारणात पुन्हा बंडखोरीचा आवाज उठवला जाणार असल्याचे बोलले जात आहे. अजित पवार यांच्या नेतृत्वाखालील राष्ट्रवादी काँग्रेस त्यांच्या प्रतिस्पर्धी राष्ट्रवादी काँग्रेसमध्ये (शरचंद्र पवार) बंडखोरी करण्याचा प्रयत्न करत असल्याचा दावा संजय राऊत यांनी बुधवारी केला.
खासदार संजय राऊत यांनी ही विधान अमोल मटकरी यांच्या विधानानंतर दिली आहे. ज्यात त्यांनी शरद पवारांच्या नेत्तृत्वाखाली एनसीपी(सीपी)चे काही लोकसभा खासदार महाराष्ट्राचे उपमुख्यमंत्री अजित पवार यांच्या संपर्कात असल्याचे म्हटले होते.
शिवसेनेचे (यूबीटी) खासदार संजय राऊत यांनी प्रसारमाध्यमांशी बोलताना राष्ट्रवादीचे ज्येष्ठ नेते प्रफुल्ल पटेल आणि सुनील तटकरे यांना शरद पवार यांच्या नेतृत्वाखालील गटाला पक्षांतरासाठी चिथावणी देण्याचे काम दिले असल्याचा आरोप केला. सध्या अजित यांच्या नेतृत्वाखालील राष्ट्रवादीकडे लोकसभेचा एकच खासदार आहे, तर शरद पवार गटाकडे आठ खासदार आहेत.
उद्धव ठाकरे गटाचे नेते संजय राऊत म्हणाले की, “शरद पवार यांच्या नेतृत्वाखालील गटातून पक्षांतर करण्यात यश आल्याशिवाय अजित पवार गटाला केंद्र सरकारमध्ये कोणतेही पद मिळणार नाही.”
