माजी केंद्रीय मंत्री शरद पवार यांची राज ठाकरे घेणार असलेली बहुप्रतीक्षित मुलाखत पुन्हा एकदा रद्द करण्यात आली आहे. कोरेगाव- भीमा येथील घटनेच्या पार्श्वभूमीवर राज्यात निर्माण झालेल्या अस्थिर वातावरणाच्या पार्श्वभूमीवर आयोजकांकडून हा निर्णय घेण्यात आलाय. याआधी देखील पवारांच्या कार्यव्यग्रतेमुळे ३ जानेवारी रोजी होणारी ही मुलाखत रद्द करून तिचे नियोजन ६ जानेवारी करण्यात आले होते.
जागतिक मराठी अकादमीचे अध्यक्ष रामदास फुटाणे यांनी ही माहिती दिली आहे. ६ जानेवारीस सायंकाळी ५ वाजता बृहन्महाराष्ट्र वाणिज्य महाविद्यालयाच्या प्रांगणात पवारांची ही मुलाखत होणार होती.आता ती अनिश्चित कालावधीसाठी पुढे ढकलण्यात आली आहे.
