छगन भुजबळ यांना जीवे मारण्याची धमकी देण्यात आली असून आरोपीला अटक केली आहे. भुजबळ यांना जीवे मारण्याची धमकी दिल्यानंतर भुजबळांच्या घराबाहेर सुरक्षा वाढविण्यात आली आहे. भुजबळ यांना धमकी देणाऱ्या आरोपीला अटक करण्यात आली आहे. आरोपीची कसून चौकशी केल्यानंतर आरोपीने धक्कादायक खुलासा केला आहे. त्याने सांगितले की फक्त छगन भुजबळच नाही तर अनेक बडे नेते रडार वर होते. अजित पवार आणि धनंजय मुंडे यांना देखील जीवे मारण्याची धमकी देण्यात आली आहे.
छगन भुजबळ यांना जीवे मारण्याची धमकी त्यांच्या कार्यालयातील कार्यकर्त्याच्या मोबाईलवर देण्यात आली. धमकी देणाऱ्याला पुणे पोलिसांनी महाड मधून अटक केली आहे. प्रशांत पाटील असे या आरोपीचं नाव असून तो कोल्हापूरच्या चंदगडचा आहे.
प्रशांत ने मंदधुंद अवस्थेत छगन भुजबळ यांना धमकी दिल्याचं समजलं आहे. त्याची मानसिक स्थिती देखील ठीक नाही. पोलिसांनी प्रकरण नोंदवून त्याला ताब्यात घेतलं असून भुजबळांच्या घरी पोलीस बंदोबस्त केला आहे.
