Palghar News: महाराष्ट्रातील पालघर जिल्ह्यातील रेल्वे क्रॉसिंगवर शुक्रवारी रेल्वेची धडक बसून दोन जण ठार तर एक गंभीर जखमी झाला.
मिळालेल्या माहितीनुसार, पालघर रेल्वे स्थानकाजवळील हनुमान मंदिर चौकातील बंद फाटकाजवळ रात्री 8.30 वाजण्याच्या सुमारास हा अपघात झाला. हे तिघे रेल्वे रुळ ओलांडत होते. यादरम्यान त्यांना समोरून येणाऱ्या ट्रेनची धडक बसली. अपघाताची माहिती मिळताच रेल्वे पोलीस (आरपीएफ) आणि स्थानिक पोलीस घटनास्थळी पोहोचले. जखमी व्यक्तीवर पालघर येथील रुग्णालयात उपचार सुरू आहे.
अधिकाऱ्याने दिलेल्या माहितीनुसार, बिहारमधील मोतिहारी येथील रहिवासी असलेले तिघे बोईसर येथे औद्योगिक मजूर म्हणून काम करत होते. तसेच जयपूर एक्स्प्रेस मुंबईहून गुजरातकडे जात होती. पालघर रेल्वे स्थानकाजवळील हनुमान मंदिर चौकातील बंद रेल्वे फाटकावर गाडी येताच तिघांनाही धडक बसली. या धडकेमुळे दोघांचा जागीच मृत्यू झाला तर एक जण जखमी झाला.
