ठाणे जिल्ह्यातील एका 30 वर्षीय महिलेवर बलात्कार करून तिला डोंगरावरून ढकलून दिल्याप्रकरणी पोलिसांनी वृद्धासह तिघांना अटक केली आहे. अधिकाऱ्याने सांगितले की, महिला टेकडीवर असलेल्या मंदिरात दर्शनासाठी एकटीच गेली होती. त्यांनी सांगितले की, महिला 6 जुलै रोजी मंदिरात गेली होती आणि तीन दिवसांनी तिचा मृतदेह टेकडीवर सापडला.
शील-डायघर पोलीस ठाण्याच्या वरिष्ठ अधिकाऱ्याने सांगितले की, संतोष मिश्रा (45), राजकुमार पांडे (54, रा. उत्तर प्रदेशातील प्रतापगड) आणि श्यामसुंदर शर्मा (62, रा. कोटा, राजस्थान) अशी आरोपींची नावे आहेत. पोलिसांनी सांगितले की “6 जुलै रोजी तिच्या कुटुंबीयांशी (सासरच्या) वादानंतर महिलेने रागाच्या भरात नवी मुंबईतील घर सोडले आणि शिळफाटा परिसरातील टेकडीवर असलेल्या गणेश मंदिरात दर्शनासाठी गेली. चढण्यापूर्वी महिलेने रेस्टॉरंटमध्ये काहीतरी खाल्ले. "सीसीटीव्ही फुटेजमध्ये ती मंदिराच्या पायऱ्यांकडे जाताना दिसत आहे पण तिथून ती खाली येताना दिसली नाही."
टेकडीवरून मृतदेह सापडला
पोलिसांनी दिलेल्या माहितीनुसार, महिला जेव्हा टेकडीवर असलेल्या मंदिरात पोहोचली तेव्हा तिन्ही आरोपी तिथे उपस्थित होते. दरम्यान महिलेच्या सासरच्यांनी आणि पतीने तिचा शोध घेण्याचा खूप प्रयत्न केला मात्र ती न सापडल्याने त्यांनी पोलिसांशी संपर्क साधून हरवल्याची तक्रार दाखल केली. तपासादरम्यान पोलिसांना टेकडीवरून महिलेचा मृतदेह आढळून आला असून, हा मृतदेह बेपत्ता महिलेचा असल्याचे स्पष्ट झाले. यानंतर सुरुवातीला परस्परविरोधी वक्तव्य करणाऱ्या तीन आरोपींना पोलिसांनी ताब्यात घेतले.
तिन्ही आरोपींनी गुन्ह्याची कबुली दिली आहे. असा संशय आहे की आरोपीने महिलेला काही द्रव असलेले अमली पदार्थ पाजले आणि नंतर तिच्यावर बलात्कार केला. त्यांनी महिलेला ओलीस ठेवले आणि त्यानंतर सोमवारी तिला डोंगरावरून ढकलून ठार केले. मात्र या सर्व बाबी तपासानंतरच स्पष्ट होतील.
आरोपीने बलात्काराची कबुली दिली
मंदिराचे पुजारी उत्तर प्रदेशात गेले असल्याने एक आरोपी पुजाऱ्याच्या जागी मंदिरात आला असल्याचे पोलिसांनी सांगितले. अधिकाऱ्याने सांगितले की, मृत महिला अडीच वर्षाच्या मुलाची आई होती. आरोपीने महिलेवर बलात्कार केल्याची कबुली दिली. महिलेच्या पोस्टमॉर्टममध्येही बलात्कार झाल्याची पुष्टी झाली आहे. आरोपींना न्यायालयात हजर केले असता, तेथून त्यांना पोलीस कोठडी सुनावण्यात आली.
