Chess Champion: भारताचा ग्रँडमास्टर रौनक साधवानी, 17, इटलीमध्ये दमदार कामगिरी केल्यानंतर अंडर-20 वर्ल्ड ज्युनियर रॅपिड बुद्धिबळ चॅम्पियन बनला. महाराष्ट्रातील नागपूरच्या रौनकने 11व्या फेरीत 8.5 गुणांसह विजेतेपद पटकावले. विशेष म्हणजे रौनकला या स्पर्धेत खेळण्यासाठी व्हिसा मिळण्यात अडचणी आल्या, पण त्याची एकाग्रता बिघडली नाही.
या यशाबद्दल पंतप्रधान नरेंद्र मोदी यांनी रौनक साधवानी यांचे अभिनंदन केले. ते म्हणाले, रौनकने आपल्या सामरिक प्रतिभा आणि कौशल्याने जगाला चकित केले आणि देशाचा गौरव केला. "रौनक साधवानीचे FIDE वर्ल्ड ज्युनियर रॅपिड चेस चॅम्पियनशिप 2023 मधील ऐतिहासिक विजयाबद्दल अभिनंदन," पंतप्रधान नरेंद्र मोदी यांनी शनिवारी ट्विटरवर एका पोस्टमध्ये लिहिले. त्याच्या सामरिक प्रतिभा आणि कौशल्याने जगाला चकित केले. त्यामुळे देशाचा गौरवही झाला आहे. तो आपल्या असामान्य कामगिरीने आपल्या देशातील तरुणांना प्रेरणा देत राहो. त्याच्या पुढील वाटचालीसाठी त्याला खूप खूप शुभेच्छा.
अव्वल मानांकित रौनकच्या मोहिमेची सुरुवात खराब झाली. दुसऱ्या आणि पाचव्या फेरीत त्याला अत्यंत खालच्या क्रमांकाच्या खेळाडूंकडून पराभव पत्करावा लागला. पाच फेऱ्यांपर्यंत फक्त तीन गुण मिळवता आले. मात्र, अंतिम फेरीत जर्मनीच्या टोबियास कोलेचा पराभव करून तो विजेता ठरला.
