21 व्या राष्ट्रकुल स्पर्धेत नेमबाज अनिश भानवाला याने पुरुषांच्या 25 मीटर रॅपीड पिस्टल प्रकारात सुवर्णपदक पटकावले आहे. 30 गुणांच्या कमाईसह अनिशने सुवर्णपदकावर आपले नाव कोरले आहे.
अनिश भानवाला अवघ्या 15 वर्षांचा आहे. त्यामुळे अनिश राष्ट्रकुल स्पर्धेत सुवर्णपदक पटकावणारा सर्वात तरुण भारतीय ठरला आहे. 21 व्या राष्ट्रकुल स्पर्धेच्या नवव्या दिवशी भारताच्या पदकांची संख्या 34 वर पोहचली आहे. त्यात 16 सुवर्णपदकांचा समावेश आहे.
