जागतिक क्रमवारीत तिसऱ्या क्रमांकावर असलेल्या सात्विकसाईराज रँकीरेड्डी आणि चिराग शेट्टी या भारतीय पुरुष दुहेरीने शनिवारी विजयाची नोंद केली. या जोडीने चायनीज तैपेईच्या लू मिंग-चे आणि तांग काई-वेई यांच्यावर सहज विजय मिळवला. यासह सात्विक-चिराग जोडीने थायलंड खुल्या बॅडमिंटन स्पर्धेची अंतिम फेरी गाठली.
आशियाई क्रीडा स्पर्धेतील सुवर्णपदक विजेते सात्विक आणि चिराग यांना या सुपर 500 स्तर स्पर्धेची उपांत्य फेरी जिंकण्यासाठी केवळ 35 मिनिटे लागली. त्यांनी 21-11 21-12 असा सहज विजय नोंदवला. स्पर्धेतील अव्वल मानांकित भारतीय जोडीला विजेतेपदाच्या लढतीत चेन बो यांग आणि लिऊ यी या जोडीचे आव्हान असेल. या चिनी जोडीने दुसऱ्या उपांत्य फेरीत दक्षिण कोरियाच्या किम गी जुंग आणि किम सा रांग या जोडीचा 21-19 21-18 असा पराभव केला.
भारताच्या पुरुष दुहेरीतील अव्वल जोडी सात्विकसाईराज रँकीरेड्डी आणि चिराग शेट्टी यांनी मलेशियाच्या जुनैडी आरिफ आणि थायलंडच्या रॉय किंग यापवर सरळ गेममध्ये विजय मिळवत उपांत्य फेरीत आपले स्थान निश्चित केले
जागतिक क्रमवारीत तिसऱ्या क्रमांकावर असलेल्या भारतीय जोडीने या सुपर 500 स्पर्धेच्या उपांत्यपूर्व फेरीत आरिफ आणि याप जोडीवर 21-7, 21-14 असा सहज विजय मिळवला. आशियाई क्रीडा स्पर्धेतील सुवर्णपदक विजेत्या भारतीय जोडीचा शेवटच्या चार टप्प्यात चायनीज तैपेईच्या लू मिंग-चे आणि तांग काई-वेई यांच्याशी सामना होता.
