देहरादून- कुस्तीत देशाला दोन ऑलिम्पिक पदके जिंकून देणार्‍या सुशील कुमार याने तो डब्ल्यूडब्ल्यूई स्पर्धेत सहभागी होत असल्याच्या चर्चेला पूर्णविराम दिला आहे.
सुशील म्हणाला, डब्ल्यूडब्ल्यूईचे काही लोक नुकतेच त्याला भेटून गेले. त्या लोकांनी भारताच्या प्रचंड प्रेक्षक संख्येमुळे मला डब्ल्यूडब्ल्यूईमध्ये सहभागी होण्याचे आमंत्रण दिले होते. मात्र, मला अजूनही कुस्तीच खेळायची आहे. यापुढेही कुस्तीसाठीच मी मेहनत करत राहीन आणि कुस्ती ही माझ्या रक्तात भिनलेली आहे, त्यासाठी मी पूर्ण प्रयत्न करणार आहे.
