आधार कार्ड हे भारतातील नागरिकांची ओळख देण्यासाठी महत्वपूर्ण दस्तऐवज आहे. या साठी केंद्र सरकारने 12-अंकी ओळख क्रमांक भारतीय नागरिकांना दिलेला आहे .या मध्ये त्या व्यक्तीचे नाव, पत्ता, मोबाईल नंबर, फोटो तसेच त्याची बायोमेट्रिक माहिती देखील दिलेली असते. जर आपल्याला आधार कार्डा वरील फोटो बदलायचा असेल तर आपण तो बदलू शकता. आधार कार्ड जारी करणे आणि व्यवस्थापित करण्याची जबाबदारी भारतीय युनिक आयडेंटिफिकेशन ऑथॉरिटी ऑफ इंडिया (यूआयडीएआय) वर सोपविण्यात आली आहे.
यूआयडीएआय या पूर्वी आधार कार्डमध्ये नाव, पत्ता, मोबाइल नंबर तसेच छायाचित्र अपडेट करण्यासाठी ऑनलाईन सुविधा देत असे. परंतु आता केवळ पत्ता बदलण्यासाठी ऑनलाईन प्रक्रिया उपलब्ध आहे. नाव, मोबाइल नंबर, जन्मतारीख, ई-मेल पत्ता आणि छायाचित्र यासारख्या इतर बदलांसाठी आपल्याया ऑफलाइन प्रक्रिया करावी लागेल. फोटो बदलण्यासाठी दोन पर्याय आहेत. प्रथम आपल्या जवळच्या नोंदणी केंद्रात जाऊन बदल करू शकता आणि दुसरे पोस्टद्वारे फोटो बदलण्यासाठी अर्ज करू शकता.
आधार कार्डावरील फोटो बदलण्यासाठी या चरणांचे अनुसरण करा
* सर्वप्रथम UIDAI च्या अधिकृत संकेत स्थळावर जाऊन Get Aadhaar विभागात जाऊन आधार नोंदणी /अपडेट फॉर्म डाउनलोड करा.
* फॉर्म व्यवस्थित भरा आणि आधार नोंदणी केंद्रावर जाऊन सबमिट करा.
* नोंदणी केंद्रावर आपले फिंगरप्रिंट म्हणजे हाताचे ठसे,डोळ्यातील पडदा ,आणि फोटो पुन्हा काढण्यात येईल.
* आपल्याला आधार कार्डाची माहिती अपडेट करण्यासाठी 50 रुपये शुल्क आकारावे लागतील.
* आपला फोटोला अपडेट करण्यासाठीचा अर्ज स्वीकारल्या गेल्यावर आपल्याला एक यूआरएन किंवा अपडेट रिक्वेस्ट क्रमांक मिळेल.
* या क्रमांकाद्वारे आपण अर्ज ऑनलाईन ट्रॅक करू शकता.
* आवश्यक डेटा UIDAI कॉरपोरेट ऑफ‍िसमध्ये पाठविले जाते. आपल्याला 90 दिवसात आपले आधार कार्ड अपडेट फोटोसह मिळेल.
** आपण पोस्टाच्या पद्धतीने देखील आधार कार्डामधील फोटो बदलू शकता.
* आपल्याला आधार सेवा केंद्रावर जायचे नसेल तर आपण UIDAI च्या क्षेत्रीय कार्यालयाला लिहून आपल्या आधार कार्डात सुधारणा किंवा अपडेट करू शकता.
* या साठी UIDAI च्या पोर्टलवर जाऊन ‘Aadhaar Card Update Correction’ फॉर्म डाउनलोड करा.
* या मध्ये विचारलेली सर्व माहिती द्या.
* या नंतर यूआयडीएआयच्या प्रादेशिक कार्यालयाचे नाव, आधार कार्ड अद्यतनित करण्यासाठी एक पत्र लिहा.
* या नंतर आपण या पत्रासह (स्वाक्षरी फोटो) सेल्फ अटेस्टेड फोटो जोडून द्या.
* या नंतर हा फॉर्म आणि पत्र यूडीआय च्या कार्यालयाला पोस्ट करा.
* दोन आठवड्यात आपल्याला नवीन फोटोसह आधारकार्ड मिळेल.
