प्रसिद्ध कॉमेडियन, टेलिव्हिजन होस्ट आणि अभिनेता कपिल शर्माला NDTV च्या 'इंडियन ऑफ द इयर अवॉर्ड्स' 2024 मध्ये 'ग्लोबल एंटरटेनर ऑफ द इयर' पुरस्काराने सन्मानित करण्यात आले. शुक्रवारी त्यांना हा सन्मान प्रदान करण्यात आला.
पुरस्कार मिळाल्यानंतर भावूक झालेला 'कॉमेडी किंग' म्हणाला, “20 वर्षांपूर्वी मी या हॉटेलमध्ये एका गायकासोबत कोरस सिंगर म्हणून परफॉर्म करण्यासाठी आलो होतो. आज 20 वर्षांनंतर मला त्याच हॉटेलमध्ये हा पुरस्कार मिळत आहे. मी खरोखर देवाचा खूप आभारी आहे. मला खूप बरे वाटत आहे.”
एंटरटेनमेंट इंडस्ट्रीतील त्याच्या आश्चर्यकारक प्रवासाबद्दल बोलताना कपिल म्हणाला, “मी जेव्हा हा शो सुरू केला तेव्हा मला 24 भागांपेक्षा जास्त भाग दिले गेले नाहीत आणि आज हा शो 12 वर्षांपासून सुरू आहे. माझा प्रवास छान होता.
नाट्यक्षेत्रात सुरुवात केल्यानंतर मी अनेक वर्षे दिल्लीत राहिलो आणि नंतर मुंबईत आलो. मी देवाचे आभार मानतो की त्याने मला मार्ग दाखवला. जेव्हा माझी रिॲलिटी शोसाठी निवड झाली तेव्हा माझ्या आयुष्यात अनेक गोष्टी बदलल्या. आयुष्यात अनेक चढ-उतार आले, पण मला वाटतं हेच जीवन आहे.”
