Legion of Honour to PM modi : पंतप्रधान मोदी सध्या फ्रान्सच्या दौऱ्यावर असून त्यांना येथे फ्रान्सचा सर्वोच्च पुरस्कार 'लिजन ऑफ ऑनर' प्रदान करण्यात आला आहे. हा सन्मान मिळवणारे पंतप्रधान नरेंद्र मोदी हे पहिले भारतीय पंतप्रधान आहेत. फ्रान्सचा सर्वोच्च सन्मान 'लिजन ऑफ ऑनर' हा केवळ जगभरातील निवडक प्रमुख नेते आणि प्रतिष्ठित व्यक्तींना दिला जातो.
पंतप्रधान मोदींचा सन्मान केल्यानंतर फ्रान्सचे राष्ट्राध्यक्ष इमॅन्युएल मॅक्रॉन यांनी हिंदीत ट्विट केले की, "भारत आणि फ्रान्स 25 वर्षे धोरणात्मक भागीदारी आणि विश्वास आणि मैत्रीचे सदैव मजबूत बंधन साजरे करत आहे ."
फ्रान्सच्या सर्वोच्च सन्मान लीजन ऑफ ऑनरच्या आधी, दक्षिण आफ्रिकेचे माजी राष्ट्राध्यक्ष नेल्सन मंडेला, तत्कालीन प्रिन्स ऑफ वेल्स, किंग चार्ल्स, जर्मनीच्या माजी चांसलर अँजेला मर्केल, संयुक्त राष्ट्राचे माजी सरचिटणीस बुट्रोस बुट्रोस-घाली अशा अनेक मान्यवर व्यक्तींना सन्मानित करण्यात आले आहे. .
तत्पूर्वी फ्रान्समधील एलिसी पॅलेसमध्ये पंतप्रधान मोदींच्या सन्मानार्थ एका खासगी डिनरचे आयोजन करण्यात आले होते. एलिसी पॅलेस हे फ्रान्सच्या राष्ट्राध्यक्षांचे अधिकृत निवासस्थान आहे. फ्रान्सचे राष्ट्राध्यक्ष इमॅन्युएल मॅक्रॉन यांनी पंतप्रधान मोदींचे स्वागत केले. पंतप्रधान मोदींनी येथे भारतीय समुदायाच्या लोकांचाही सन्मान केला. पंतप्रधान मोदींनी आपल्या भाषणात सांगितले की, भारताची भूमी मोठ्या बदलाची साक्ष देत आहे. भारताच्या लोकशाही मूल्यांशी ठामपणे. त्याचवेळी पीएम मोदी म्हणाले की, आज जग एका नव्या जागतिक व्यवस्थेकडे वाटचाल करत आहे. भारताची भूमिका झपाट्याने बदलत आहे.
