अमेरिकेच्या सेंट्रल कमांडने सीरियातील इसिसच्या अनेक तळांवर हवाई हल्ले केले. यूएस सेंट्रल कमांडच्या म्हणण्यानुसार, या हल्ल्यांचा उद्देश आयएसआयएसचा अमेरिका, त्याचे सहयोगी आणि नागरिकांवर हल्ला करण्याचा डाव हाणून पाडणे हा आहे.
यापूर्वी 29 सप्टेंबर रोजी अमेरिकेने सीरियात हवाई हल्ले केले होते. यामध्ये इस्लामिक स्टेट ग्रुप आणि अल-कायदाशी संबंधित 37 दहशतवादी मारले गेले. अमेरिकेने उत्तर-पश्चिम सीरियावर हल्ला केल्याची माहिती अमेरिकेच्या सेंट्रल कमांडने दिली होती.
या दहशतवाद्यांवर लष्करी कारवायांवर लक्ष ठेवण्याची जबाबदारी होती. यासोबतच मध्य सीरियातील आयएसच्या प्रशिक्षण शिबिरावर हवाई हल्ला करण्यात आला. यामध्ये 28 दहशतवादी मारले गेले. यामध्ये सीरियाच्या चार नेत्यांचा समावेश होता.
आता पुन्हा एकदा अमेरिकेने सीरियातील इसिसच्या तळांवर हवाई हल्ले केले आहेत. हवाई हल्ल्यांमुळे झालेल्या नुकसानीचे मूल्यांकन केले जात असल्याचे अमेरिकन सेंट्रल कमांडने सांगितले. तर कोणत्याही नागरिकांच्या जीवितहानीबाबत कोणतीही माहिती मिळालेली नाही.
