पुढील वर्षी विधान परिषदेच्या स्थानिक स्वराज्य संस्थेच्या आठ मतदारसंघांत निवडणूक होणार आहेत. यात मुंबई महानगरपालिकेतून निवडून आलेले रामदास कदम (शिवसेना) व भाई जगताप (काँग्रेस), नागपूरचे गिरीश व्यास (भाजप), सोलापूरचे आमदार प्रशांत परिचारक (अपक्ष-भाजप पुरस्कृत),कोल्हापूर मतदारसंघाचे प्रतिनिधित्व करणारे गृहराज्यमंत्री बंटी पाटील (काँग्रेस), धुळे-नंदूरबारमधून अलीकडेच पोटनिवडणुकीत निवडून आलेले अमरिश पटेल (भाजप), अकोला-बुलढाणा-वाशीमचे गोपीकिसन बजोरिया (शिवसेना), नगरचे अरुण जगताप (राष्ट्रवादी ) हे आठ आमदार पुढील वर्षी निवृत्त होत आहेत. या निवडणुकीत नगरसेवक, जिल्हा परिषद सदस्य हे मतदार असतात.
राज्यातील बहुतांशी नगरपालिकांची मुदत ऑक्टोबर-नोव्हेंबर महिन्यात संपत आहे. ऑक्टोबरच्या सुरुवातीला नगरपालिकांची निवडणूक होईल. नगरपालिकांची निवडणूक झाल्यावर लगेचच विधान परिषदेची निवडणूक होईल.
या मतदारसंघात निवडणूक
मुंबई – २ जागा
नागपूर
नगर
अकोला-बुलढाणा-वाशिम
कोल्हापूर
सोलापूर
धुळे-नंदुरबार
