'सत्तार साहेब, तुम्ही मुख्यमंत्री एकनाथ शिंदे यांच्याकडून पैसे घेतले आणि लखपती झाले. मात्र, मी लोकपती आहे, असं विधान केंद्रीय मंत्री रावसाहेब दानवे यांनी केलं आहे.
मुख्यमंत्री एकनाथ शिंदे यांच्या उपस्थितीत सिल्लोड येथे जाहीर सभा आयोजित करण्यात आली होती. या सभेत रावसाहेब दानवे, अब्दुल सत्तार, अर्जुन खोतकर आदी नेते उपस्थित होते. यावेळी सत्तार यांना उद्देशून बोलताना रावसाहेब दानवेंनी हे विधान केलं.
दानवे यांनी म्हटलं की, "अब्दुल सत्तार साहेब, ज्यांना-ज्यांना तुम्हाला पक्षात आणायचे त्यांना पक्षात घ्या. तुम्ही मुख्यमंत्री यांच्याकडून पैसे घेतेले असल्याने तुम्ही लखपती झाला आहात. मात्र मी लोकपती असून रुग्णालयात राहून सुद्धा निवडणून आलो.
मी आणि अर्जुन खोतकार किती जवळचे मित्र आहे हे सर्वांना माहीत आहे," असा टोला त्यांनी शिंदे गटात आलेल्या अर्जुन खोतकर यांनाही लगावला.
