Wimbledon 2022: भारतीय टेनिस स्टार सानिया मिर्झा आणि तिची क्रोएशियन जोडीदार मेट पॅव्हिक यांनी विम्बल्डन ओपनमध्ये पहिल्या फेरीचा अडथळा पार केला आहे. या दोघांनी डेव्हिड वेगा आणि नटेला या जोडीचा 6-4, 3-6, 7-6 असा पराभव करत दुसऱ्या फेरीत प्रवेश केला. सानियाची ही शेवटची विम्बल्डन ओपन आहे आणि तिने मिश्र दुहेरीत शानदार सुरुवात केली आहे. या हंगामनंतर टेनिसमधून निवृत्ती घेणार असल्याचे सानियाने आधीच जाहीर केले आहे.
सानिया मिर्झा आणि तिची चेक जोडीदार लुसी ह्राडेका यांना महिला दुहेरीच्या पहिल्या सामन्यात पराभवाला सामोरे जावे लागले. पहिल्या फेरीत पराभव पत्करावा लागल्याने सानियाच्या महिला दुहेरीतील आशा पल्लवित झाल्या, पण मिश्र दुहेरीतील तिच्या आशा अबाधित राहिल्या. महिला दुहेरीत सानिया आणि ल्युसी या जोडीला पोलंडच्या मॅग्डालेना आणि ब्राझीलच्या बीट्रोज हदाद मायिया यांनी 4-6, 6-4, 6-2 असे पराभूत केले.
35 वर्षीय सानियाने मार्टिना हिंगीससोबत कारकिर्दीतील एकमेव विम्बल्डन जेतेपद पटकावले. 2015 मध्ये ही कामगिरी केल्यानंतर सानियाला कोणतेही मोठे विजेतेपद मिळालेले नाही.
