मंडिलक प्रवृत्तीचा शिवसेनेनं विचार करावा - चंद्रकांत पाटील

कोल्हापुरात भाजपला अपेक्षित यश मिळालं नाही, याबाबत बोलताना चंद्रकांत पाटील यांनी शिवसेना खासदार संजय मंडलिक यांच्यावर निशाणा साधला. "सोयीचं राजकारण करणारी मंडलिक ही एक प्रवृत्ती आहे. त्याचा शिवसेनेने आता विचार करायला हवा," असं चंद्रकांत पाटील म्हणाले.

विधानसभा निवडणुकीच्या निकालानंतर पहिल्यांदाच भाजप प्रदेशाध्यक्ष आणि कोथरूडचे आमदार चंद्रकांत पाटील यांनी कोल्हापुरात पत्रकार परिषद घेतली. त्यावेळी त्यांनी कोल्हापुरातील भाजपच्या पराभवाचं विश्लेषण केलं.

"शिवसेना खासदार संजय मंडलिक यांनी सोयीस्कर भूमिका घेतली आहे. कागल नगरपालिकेत त्यांनी मुश्रिफांसोबत सत्ता स्थापन केलीय. अशा पाडापाडीचं राजकारण करणाऱ्यांच्या जीवावर शिवसेना चालवणार का?" असा सवाल चंद्रकांत पाटील यांनी केला.