ज्येष्ठ हिंदी चित्रपट अभिनेते दिलीप कुमार (८७) यांची तब्येत बिघडल्यामुळे त्यांना मुंबईतील सुप्रसिद्ध लीलावती रूग्णालयात दाखल केले आहे. त्यांना सतत ताप येत असून तपासणीत मलेरियाचा संसर्ग झाल्याचे समोर आले असून डॉ. जलील पारकर यांच्या देखरेखीखाली त्यांच्यावर उपचार करण्यात येत आहेत.
दिलीपकुमार यांच्या पत्नी प्रसिद्ध अभिनेत्री सायरा बानू यांनी दिलीपकुमार यांची प्रकृती सुधारत असल्याचे सांगितले असून बुधवार पर्यंत त्यांना घरी नेण्याची परवानगी मिळेल असेही बानू यांनी सांगितले.