बॉलिवूडचा किंग खान शाहरुखचे कान राम गोपाल वर्माने टोचले आहेत. शाहरुखने आपले स्थान गमावले असून तो सलमानची बरोबरी करु शकलेला नाही. जी अवस्था रजनीकांत समोर कमल हासनची झाली तीच अवस्था शाहरुखची सलमानच्या समोर झाल्याचे रामूने म्हटले आहे.
कमल हासनने केलेल्या चुकांमधून शाहरुखने शिकायची गरज आहे, असे राम गोपाल वर्माने म्हटले आहे.
मेगास्टार शाहरुख सामान्य फॅन बनला. आगामी आनंद एल. रायच्या चित्रपटातही तो कमल हासनप्रमाणे टींगूची भूमिका करणार आहे. कमलही रजनीकांतसारखा मोठा सुपरस्टार होता. शाहरुख चुकीच्या सल्ल्यापासून स्वत:ला दूर ठेवेल अशी अपेक्षा करतो, असे रामूने ट्विटरवर शाहरुखला सल्ला दिला आहे.