प्रसिद्ध यूट्यूबरवर महिलेचा बलात्काराचा आरोप, गुन्हा दाखल

सोशल मीडिया स्टार हर्षा साईवर एका महिलेने बलात्काराचा आरोप केला आहे. युट्यूबर हर्ष साई याने लग्नाच्या बहाण्याने आपली फसवणूक आणि लैंगिक शोषण केल्याचा दावा पीडित महिलेने केला आहे. महिलेने हैदराबाद येथील नरसिंगी पोलिसांत तक्रार दाखल केली आहे. पोलीस या प्रकरणाचा तपास करत आहेत.

महिलेने तक्रारीत म्हटले आहे की, आम्ही दोघे एका पार्टीत भेटलो होतो. मग हळूहळू आम्ही चांगले मित्र झालो. त्यानंतर आम्ही दोघांनी एका प्रोजेक्टवर काम करायला सुरुवात केली. मात्र काही काळानंतर हर्षने माझ्याकडून प्रकल्पाचे काम पुढे नेण्यासाठी दोन कोटी रुपये घेतले. महिलेने पुढे सांगितले की, त्याने पैसे घेतले पण त्याने ते पैसे आपल्या वैयक्तिक गरजांसाठी वापरण्यास सुरुवात केली.

महिलेने तक्रारीत दावा केला आहे की, सोशल मीडिया स्टार हर्ष साईने तिचे आक्षेपार्ह फोटो आणि व्हिडिओ बनवले होते, ज्याचा वापर नंतर हर्षने तिला पैशांसाठी ब्लॅकमेल करण्यासाठी केला होता. सध्या महिलेच्या तक्रारीच्या आधारे पोलीस या प्रकरणाचा तपास करत आहेत. याप्रकरणी अद्याप कोणालाही अटक करण्यात आलेली नाही.

Edited By - Priya Dixit