पंजाब पोलिसांनी बॉलिवूड गायक बादशाहविरुद्ध एफआयआर दाखल केला

Bollywood News : पंजाब पोलिसांनी बुधवारी बॉलिवूड गायक बादशाहविरुद्ध एफआयआर दाखल केला. या गायकावर त्याच्या नवीन गाण्यात ख्रिश्चन समुदायाच्या भावना दुखावल्याचा आरोप आहे.

मिळालेल्या माहितीनुसार पंजाब पोलिसांनी बॉलिवूड गायक आणि रॅपर बादशाह विरोधात एफआयआर दाखल केला आहे. बादशाहवर ख्रिश्चन धार्मिक समुदायाच्या भावना दुखावल्याचा आरोप आहे. खरंतर, नुकतेच बादशाहचे 'वेलवेट फ्लो' हे गाणे रिलीज झाले. ज्यामध्ये चर्च आणि बायबल सारखे शब्द चुकीच्या संदर्भात वापरले गेले. त्यानंतर पोलिसात तक्रार दाखल करण्यात आली. बुधवारी पंजाब पोलिसांनी या प्रकरणी कारवाई केली आणि तक्रार नोंदवली.

ग्लोबल ख्रिश्चन अ‍ॅक्शन कमिटीने नुकतेच गुरदासपूरजवळील बटाला जिल्ह्यातील किला लाल सिंग पोलिस स्टेशनमध्ये बादशाहच्या नवीन गाण्याबाबत तक्रार दाखल केली होती. ज्यावर पोलिसांनी कारवाई केली आणि गायकाविरुद्ध एफआयआर नोंदवला.   

Edited By- Dhanashri Naik