'रेस 3' या चित्रपटाचे शूटिंग आटपल्यानंतर आता सलमान खान लवकरच 'भारत' या चित्रपटाच्या शूटिंगमध्ये व्यस्त होणार आहे. नुकताच 'भारत' चित्रपटाच्या निर्मात्यांनी या आगामी चित्रपटच्या मुहुर्ताची झलक चाहत्यांसोबत शेअर केली आहे. 'सुल्तान','टायगर झिंदा है' नंतर अभिनेता सलमान खान आणि दिग्दर्शक 'अली अब्बास जफर' ही जोडी बॉक्सऑफिसवर आता 300 कोटीची कमाई करण्याची हॅट्रिकच्या तयारीत आहे.
पुढील वर्षी म्हणजेच 2019 च्या ईदला 'भारत' हा सिनेमा येणार आहे. भारत चित्रपटातील इतर कलाकारांची नावं अजूनही गुलदस्त्यामध्ये आहेत. 'ऑड टू माय फादर' या कोरियन चित्रपटाचा हा हिंदी रिमेक आहे. 'भारत' या चित्रपटाला भारत- पाकिस्तान फाळणीची पार्श्वभूमी आहे. या चित्रपटाची कथा देशाला पुढे घेऊन जाण्यासाठी प्रयत्न करणार्या एका मुलाच्या जिद्दीची कथा आहे.