Salman Khan ला फेसबुक पोस्टवरून धमकी, मुंबई पोलीस अलर्ट, अभिनेत्याची सुरक्षा वाढवली

बॉलिवूड अभिनेता सलमान खानला फेसबुक पोस्टद्वारे धमकी मिळाली आहे. या धमकीनंतर अभिनेता सलमान खानच्या सुरक्षेचा आढावा घेण्यात आला आहे. मुंबई पोलिसांच्या हवाल्याने ही माहिती समोर आली आहे.

सलमान खानला धमकी देणारी एक पोस्ट सोशल मीडियावर मोठ्या प्रमाणात व्हायरल होत आहे. यानंतर मुंबई पोलीस सतर्क झाले असून अभिनेत्याच्या सुरक्षा व्यवस्थेचा नव्याने आढावा घेण्यात आला आहे. गँगस्टर लॉरेन्स बिश्नोईच्या धमकीनंतर सलमान खानला मुंबई पोलिसांनी आधीच Y+ सुरक्षा दिली आहे. मात्र बिश्नोईने अभिनेत्याला धमकी देण्याची ही पहिलीच वेळ नाही.