Bigg Boss 19: सलमान खानच्या बिग बॉसच्या इतिहासात दुसऱ्यांदा तृतीयपंथी स्पर्धक प्रवेश करणार

अभिनेता सलमान खानचा शो बिग बॉस १९ लवकरच सुरू होणार आहे. या शोची तयारी जोरात सुरू आहे. आता माहिती समोर आली आहे की, ट्रान्सजेंडर अभिनेत्री शुभी शर्मा या शोमध्ये स्पर्धक म्हणून दिसणार आहे.

टीव्हीवरील सर्वात मोठा रिअॅलिटी शो बिग बॉस सीझन १९ लवकरच सुरू होणार आहे. शोचे निर्माते आणि सलमान खान त्याची तयारी करण्यात व्यस्त आहे. बिग बॉस १९ साठी संभाव्य स्पर्धकांच्या बातम्या वेगाने येत आहे. आता ट्रान्सजेंडर अभिनेत्री शुभी शर्मा बिग बॉस १९ मध्ये दिसू शकते.

मीडिया रिपोर्ट्समध्ये असा दावा करण्यात आला आहे की बिग बॉस १९ साठी शुभी शर्माशी संपर्क साधण्यात आला आहे. याबद्दल शुभी शर्माला विचारले असता तिने सांगितले की बिग बॉस टीमने तिच्याशी संपर्क साधला आहे, परंतु ती सध्या यावर भाष्य करू इच्छित नाही. तिने निर्मात्यांचे निमंत्रण स्वीकारले आहे आणि ती बिग बॉस १९ चा भाग बनू शकते हे स्पष्ट आहे.

Edited By- Dhanashri Naik