काळ्या हरणाच्या कथित शिकारीमुळे सलमान खान लॉरेन्स बिश्नोई टोळीच्या निशाण्यावर आहे. तसेच बॉलिवूड सुपरस्टार सलमान खानला पुन्हा एकदा धमकी मिळाली आहे. मुंबई पोलिसांच्या वाहतूक नियंत्रण कक्षाला लॉरेन्स बिश्नोईच्या नावाने सलमान खानला धमकीचा मेसेज आला आहे.
या धमकीच्या मेसेजनंतर पोलिसांनी पुन्हा एकदा सलमानची सुरक्षा वाढवली आहे. त्याचवेळी हा मेसेज कोणी आणि कुठून पाठवला याचा तपास पोलिसांनी पुन्हा एकदा सुरू केला आहे. मिळालेल्या माहितीनुसार ट्रॅफिक कंट्रोल रूमला पाठवलेल्या मेसेजमध्ये असा दावा करण्यात आला आहे की, 'लॉरेन्स बिश्नोईचा भाऊ बोलत आहे आणि जर सलमान खानला जिवंत रहायचे असेल तर त्याने एकतर 5 कोटी रुपये द्यावे किंवा आमच्या मंदिरात जाऊन माफी मागावी.हे केले नाही तर आम्ही तुम्हाला ठार मारू, आमची टोळी अजूनही सक्रिय आहे.
पोलिसांनी दिलेल्या माहितीनुसार, सोमवार मध्यरात्री त्यांना या धमकीचा संदेश मिळाल्याची माहिती मिळाली. वाहतूक नियंत्रण कक्षात कार्यरत असलेल्या अधिकारींनी याची माहिती दिली.