Tiger 3 Day Box Office Collection: 'टायगर 3' ची बंपर कमाई!

Tiger 3 Day Box Office Collection: शाहरुख खानच्या 'जवान' चित्रपटानंतर बॉलीवूडचा कोणताही चित्रपट बॉक्स ऑफिसवर काही खास कमाल करू शकला नाही. अशा परिस्थितीत आता सलमान खान आणि कतरिना कैफच्या 'टायगर 3' ने बॉक्स ऑफिसवरचा दुष्काळ संपवला आहे.

रिलीजच्या पहिल्या दोन दिवसांत प्रचंड नफा कमावत 'टायगर 3' ने येत्या काही दिवसांत बॉक्स ऑफिस कलेक्शनचा नवा अध्याय लिहिला जाऊ शकतो हे सिद्ध केले आहे. दरम्यान, सलमान खानच्या 'टायगर 3'च्या तिसऱ्या दिवसाच्या बॉक्स ऑफिस कलेक्शनचे आकडे समोर आले आहेत. 

'टायगर 3' तिसऱ्या दिवशीही धमाका सुरूच आहे

दिवाळीच्या मुहूर्तावर 'टायगर 3' चित्रपटगृहांमध्ये दमदार कामगिरी करत बॉक्स ऑफिसवर धमाका केला. पहिल्या दिवशी 40 कोटींहून अधिक कमाई करून सलमान खानचा चित्रपट 'टायगर 3' आगामी काळात आणखी चांगला व्यवसाय करेल असे संकेत दिले आहेत. याच जोरावर सलमानचा चित्रपट पुढे सरकताना दिसत आहे.

'टायगर 3' 150 कोटींच्या जवळ

'टायगर 3' ला रिलीजच्या तिसऱ्या दिवशीही धमाकेदार आगाऊ बुकिंगचा फायदा मिळाला. त्यामुळे सलमान खान आणि कतरिना कैफच्या या चित्रपटाच्या कमाईत मोठी वाढ झाली आहे. 'टायगर 3'च्या एकूण बॉक्स ऑफिस कलेक्शनवर नजर टाकली तर, आतापर्यंत सलमानच्या चित्रपटाने रिलीजच्या तीन दिवसांत जवळपास 146 कोटींचा व्यवसाय केला आहे.