Liger Trailer : उद्या प्रदर्शित होणार विजय देवरकोंडा यांच्या 'लाइगर' चित्रपटाचा ट्रेलर, अभिनेत्याने संकेत दिले

Liger Trailer: विजय देवरकोंडा आणि अनन्या पांडे अभिनीत 'लाइगर' हा या वर्षातील बहुप्रतिक्षित चित्रपटांपैकी एक आहे. हा चित्रपट दोन्ही अभिनेत्यांसाठी खास आहे कारण बॉलीवूडमध्ये विजय आणि दक्षिणेत अनन्याचे पदार्पण होत आहे.

निर्माते लवकरच या चित्रपटाचा ट्रेलर लॉन्च करणार आहेत. विजय देवरकोंडा

आणि अनन्या पांडे यांचा आगामी चित्रपट 'लाइगर'चे निर्माते लवकरच चित्रपटाचा ट्रेलर रिलीज करू शकतात. चित्रपटाच्या जवळच्या सूत्रानुसार, निर्माते जुलैच्या दुसऱ्या किंवा तिसऱ्या आठवड्यात 'लाइगर'चा ट्रेलर रिलीज करण्याची तयारी करत आहेत. मात्र, विजय देवरकोंडा यांनी शुक्रवारी सोशल मीडियावर एक गोष्ट पोस्ट केली, जी वाचल्यानंतर त्याचे चाहते खूपच उत्साहित झाले आहेत.

विजयने पोस्टमध्ये लिहिले..

शुक्रवारी सकाळी विजयने ट्विट करून 'कमिंग...' लिहिले. अभिनेत्याने एवढेच सांगितल्याने त्याच्या चाहत्यांना आनंद झाला आहे आणि या चित्रपटाचा ट्रेलर उद्या म्हणजेच शनिवारी लाँच होईल अशी अपेक्षा आहे. 

अभिनेत्याची पोस्ट वाचल्यानंतर चाहते प्रतिक्रिया देत आहेत. 'लाइगर'चे दिग्दर्शन पुरी जगन्नाध यांनी केले आहे आणि करण जोहर निर्मित आहे. या चित्रपटात माइक टायसनची खास भूमिका असणार आहे. विजय आणि अनन्या व्यतिरिक्त या चित्रपटात रम्या कृष्णा, रोनित रॉय, अली, मकरंद देशपांडे आणि विष्णू रेड्डी यांच्याही प्रमुख भूमिका आहेत. 25 ऑगस्ट 2022 रोजी 'लाइगर' चित्रपटगृहांमध्ये प्रदर्शित होणार आहे.