'राणी मुखर्जीला मी स्टार बनवले'

करण जोहरला फिल्म लाईनमध्ये 20 वर्षे पूर्ण झाली आहेत. करणच्या डायरेक्शनचा पहिला सिनमेा 'कुछ कुछ होता है' ऑक्टोबर 1998 रोजी रिलीज झाला होता. शाहरुख, काजोल आणि राणी मुखर्जीच्या या प्रेमाच्या त्रिकोणाने तेव्हाच्या अख्ख्या पिढीला येड लावले होते. 

या सिनेमाला 20 वर्षे पूर्ण झाल्यानिमित्ताने त्याच्याशी संबंधित काही आठवणींना उजाळा दिला गेला. कुछ कुछ..मधील राणी मुखर्जीचा रोल हा अगोदर करण जोहरने ट्‌विंकल खन्नाला देऊ केला होता. मात्र ट्‌विंकलने हा रोल करण्यास नकार दिला होता. या रोलसाठी करणने अन्य काही बड्या हिरोईनशीही बोलणे केले होते. पण दुय्यम भूमिका असल्याचे वाटून सगळ्यांनी नकार दिला होता. सरतेशेवटी ट्‌विंकलच्या शिफारसीनुसार या रोलसाठी राणी मुखर्जीची निवड झाली होती. तिने हा रोल स्वीकारला तेव्हा राणी फिल्म इंडस्ट्रीमध्ये अगदी नवीन होती. पण कुछ कुछ..च्या रोलमुळे राणीच्या ग्लॅमरमध्ये खूपच वाढ झाली होती. थोडक्यात तिचे फिल्मी करिअर एकदम सुपरफास्ट झाले. कुछ कुछ होता है..च्या निमित्तिाने आयोजित एका पार्टीमध्ये ट्‌विंकलखन्नाही आली होती. तिथे तिने राणीला आठवण करून दिली की तुझे करिअर माझ्यामुळे यशस्वी झाले आहे. कुछ कुछ..मधील रोल तुला दिल्यामुळेच तुला बॉलिवूमडध्ये हिट ब्रेक मिळाला होता. खरे तर अशाप्रकारे कोणीही उपकारांची आठवण करून देऊ नये. पण राणीने ट्‌विंकलच्या या बोलण्याचे वाईट वाटून घेतले नाही. उलट तिचे आभारच मानले.