कुंभमेळ्यात करण्यात आलेल्या 1 लाख करोना चाचण्या बनावट

हरिद्वारमध्ये आयोजित करण्यात आलेल्या कुंभमेळ्यादरम्यान करण्यात आलेल्या कोव्हिड चाचण्यांपैकी चार लाख चाचणी अहवाल बनावट असल्याचा संशय व्यक्त करण्यात येत होता. यापैकी 1 लाख चाचणी अहवाल बनावट असून खासगी एजन्सीच्या सहाय्याने तयार करण्यात आल्याचं समोर आलंय.

हरिद्वारमध्ये एकाच घरातून 50 जणांचं रजिस्ट्रेशन करण्यात आल्याचं उघडकीला आलंय, तर एकच अँटीजेन किट 700 चाचण्यांसाठी वापरण्यात आल्याचंही या बातमीत म्हटलंय.

या चाचण्यांसाठी खोटे फोन नंबर्सही देण्यात आले असून कानपूर, मुंबई आणि अहमदाबादसह इतर काही ठिकाणच्या लोकांच्या नावापुढे एकच फोन नंबर देण्यात आल्याचंही या वृत्तात म्हटलंय.