देशातील कोरोनाचा वेग थांबण्याचे नाव घेत नाही आहे. कोरोना रुग्णांची संख्या सातत्याने वाढत आहे. केंद्रीय आरोग्य मंत्रालयाच्या अहवालानुसार, गेल्या 24 तासांत देशात 8582 रुग्णांची नोंद झाली आहे. कालच्या तुलनेत ही संख्या 253 अधिक आहे. आकडेवारीनुसार, शनिवारी 8329 नवीन कोरोना रुग्ण आढळले.
दररोज मोठ्या संख्येने नवीन कोरोना रुग्ण येत असल्याने सक्रिय रुग्णांची संख्याही वाढत आहे. नवीन आकडेवारीनुसार, देशात आता 44,513 सक्रिय कोरोना रुग्ण आहेत. तर, एक दिवस आधीपर्यंत त्यांची संख्या 40,370 होती. मात्र, गेल्या 24 तासांत चार रुग्णांचा मृत्यू झाला ही दिलासादायक बाब आहे. म्हणजेच संसर्गाचे प्रमाण वाढले असले तरी मृत्यूचे प्रमाण वाढलेले नाही. देशात आतापर्यंत 524761 लोकांना कोरोनामुळे आपला जीव गमवावा लागला आहे.