साबूदाण्याची खिचडी बनविण्यासाठी साबूदाण्याला 3 ते 4 तास भिजवून ठेवा. बटाटे सोलून तुकडे करा. एक कढईत तूप गरम करून त्यामध्ये जिरे, आणि हिरव्या मिरच्याचे तुकडे घाला. नंतर चिरलेले बटाटे घाला आणि मंद आचेवर शिजू द्या. शिजत आल्या वर त्यामधे भिजत टाकलेला साबुदाणा, शेंगदाण्याचं कूट घाला आणि मंद आचेवर वाफवून घ्या. त्यामधे मीठ, काळी मिरपूड आणि साखर घालून मिसळून घ्या. चविष्ट अशी साबूदाण्याची खिचडी कोथिंबीर, उपवासाचे फरसाण आणि लिंबू घालून सर्व्ह करा.