अत्यंत शुभ अशा दिवशी स्नान, दान, जप, हवन, तर्पण इत्यादी गोष्टी केल्यास अक्षय पुण्य प्राप्त होते. हिंदू धर्मानुसार अक्षय्य तृतीयेच्या दिवशी भगवान विष्णूंनी परशुराम आणि हयग्रीवाचा अवतार घेतला होता, असं म्हटलं आहे. यादिवशी अक्षय्य तृतीयेला लक्ष्मी नारायण आणि कलशाची पूजेला महत्त्व आहे. या पुजेचा शुभ मुहूर्त २२ एप्रिलला सकाळी ०७.४९ पासून दुपारी १२.२० पर्यंत असणार आहे.
या दिवसाचे दान अक्षय्य होते
या दिवशी केलेला उपवास, जप, ध्यान अक्षय्य फलदायी असतो. एक वेळी आहार घेऊन सुद्धा उपवास करू शकता. या दिवशी केलेले दान देखील अक्षय्य होते असे भविष्यपुराणात आलेले आहे. या दिवशी पाण्याचे मडके, पंखे, पादत्राणे(चप्पल-बूट), छत्री, जवस, गहु, तांदूळ, वस्त्र यांचे दान करणे पुण्यदायी असते.
अक्षय्य तृतीयेला पौराणिक मान्यता
पुराणानुसार, युधिष्ठिराने अक्षय्य तृतीयेचे महत्त्व जाणून घेण्याची इच्छा भगवान श्रीकृष्णाकडे व्यक्त केली. तेव्हा भगवान श्रीकृष्ण म्हणाले की ही सर्वात शुभ तिथी आहे. या दिवशी स्नान, जप, तपश्चर्या, यज्ञ, स्वाध्याय आणि दानधर्म करणारी व्यक्ती अक्षय पुण्यफळाचा भाग आहे. प्राचीन काळी येथे गरीब व वैश्य राहत होते. त्याची देवांवर खूप श्रद्धा होती. त्याच्या गरिबीमुळे तो खूप त्रस्त होता. एके दिवशी कोणीतरी त्यांना अक्षय्य तृतीयेला उपवास करण्याचा सल्ला दिला. या दिवशी त्यांनी गंगेत स्नान केले, देवी-देवतांची विधिवत पूजा केली आणि दान केले. हा वैश्य पुढच्या जन्मी कुशावतीचा राजा झाला असे मानले जाते. अक्षय्य तृतीयेला उपासना आणि दान यांच्या प्रभावाने तो खूप श्रीमंत आणि प्रतापी झाला.
अक्षय्य तृतीयेच्या दिवशी ही कामं आवर्जून करा
१) सोने खरेदी करा - अक्षय्य तृतीयेच्या दिवशी सोने खरेदी करायची प्रथा फार पूर्वीपासून चालत आलेली आहे. हा गुंतवणुकीचा एक चांगला पर्याय आहे तसेच संपत्तीचेसुद्धा प्रतिक आहे.
२) नवीन उद्योग सुरु करा - तुम्हाला एखादा नवीन व्यवसाय किंवा कंपनी सुरु करायची असेल तर अक्षय्य तृतीयेचा मुहूर्त फार शुभ मानला जातो. या दिवशी उद्योग सुरु केल्या कायम उद्योग किंवा कंपनीच्या नफ्यात भरभराट होते.
३) वाहने खरेदी करा - तुम्ही नवीन वाहन खरेदी करण्याचा विचार करत असाल तर अक्षय्य तृतीया हा दिवस उत्तम आहे. या दिवशी वाहन खरेदी करणे हे दीर्घायुष्याचे प्रतिक मानल्या जाते. तसेच अनेक कार आणि
४) नवे घर खरेदी करा - अक्षय तृतीया हा नवीन घर विकत घेण्यासाठी उत्तम काळ आहे. गृहप्रवेशासाठी हा मुहूर्त अगदी उत्तम मानला जातो. या दिवशी घरात सकारात्मक उर्जा संचारते. या दिवशी घर खरेदी केल्याने घरात सुखसमृद्धीचा कायम वास असतो.