श्री हरिचा प्रिय कार्तिक महिना, जाणून घ्या महत्त्व

स्कंदपुराणात कार्तिक महिन्याचे महत्त्व सांगताना म्हटले आहे की, ज्याप्रमाणे वेदासारखे शास्त्र नाही, गंगासारखे तीर्थ नाही आणि सतयुगसारखे युग नाही. त्याचप्रमाणे कार्तिक महिन्यासारखा महिना नाही. चला जाणून घेऊया कार्तिक महिना इतका महत्त्वाचा का मानला जातो आणि या महिन्यात तुळशीची पूजा करण्याचे महत्त्व काय आहे.

कार्तिक महिन्याचे महत्व

कार्तिक महिना हा इंग्रजी दिनदर्शिकेनुसार वर्षातील अकरावा महिना आहे. पण हिंदू कॅलेंडरमध्ये आठवा महिना म्हणून ओळखला जातो. शरद पौर्णिमेच्या दुसऱ्या दिवसापासून हा महिना सुरू होतो.

कार्तिक महिन्यात भगवान विष्णू झोपेतून जागे होतात आणि संपूर्ण सृष्टीवर सुख आणि कृपेचा वर्षाव करतात, अशी धार्मिक धारणा आहे. यासोबतच माँ लक्ष्मी देखील या महिन्यात पृथ्वीवर येते आणि भक्तांना अपार धनाचा आशीर्वाद देते. हा महिना परोपकारासाठीही ओळखला जातो, तसेच सणांच्या दृष्टीनेही हा महिना विशेष मानला जातो.

कार्तिक महिन्यात तुळशी पूजेचं विशेष महत्त्व

तसे पाहता हिंदू धर्मात तुळशीला विशेष महत्त्व आहे. मात्र कार्तिक महिन्यात तुळशीपूजेचे महत्त्व अनेक पटींनी वाढते. तुळशी भगवान विष्णूला खूप प्रिय आहे आणि माता तुळशीचा विवाह भगवान विष्णूचा अवतार असलेल्या शालिग्रामशी झाला होता. धार्मिक मान्यतेनुसार ब्रह्म मुहूर्तावर स्नान करून कार्तिक महिन्यात तुळशीची पूजा केल्याने सर्व तीर्थयात्रा केल्यासारखेच पुण्य प्राप्त होते. या दिवसात लोक दररोज तुळशीच्या रोपाजवळ दिवा लावतात आणि तुळशीमातेची पूजा करतात. या महिन्यात तुळशीची पूजा केल्याने षंढांच्या भीतीपासून मुक्ती मिळते, असे सांगितले जाते.