अफगाणिस्तानात तालिबानचे महिलांवरील अत्याचार थांबण्याचे नाव घेत नाहीत. यावेळी अफगाणिस्तानमध्ये महिलांना जिममध्ये जाण्यास बंदी घालण्यात आली आहे. सत्तेत आल्यानंतर महिलांचे हक्क आणि स्वातंत्र्य रोखण्यासाठी नवनवीन फर्मान काढत आहे.
तालिबान गेल्या वर्षी ऑगस्ट २०२१ मध्ये सत्तेवर आले. यानंतर देशात मुलींना माध्यमिक आणि उच्च शाळेत जाण्यास बंदी घालण्यात आली. नोकरीच्या बहुतांश क्षेत्रात महिलांना मर्यादा होत्या. एवढेच नाही तर सार्वजनिक ठिकाणी महिलांना डोक्यापासून पायापर्यंत बुरख्याने झाकण्याचे आदेशही देण्यात आले होते.
लोक आदेशांकडे दुर्लक्ष करत आहेत. महिलांनी हिजाब घालण्याबाबतचे नियमही पाळले नाहीत. यामुळे आम्ही ही बंदी घालण्याचा निर्णय घेतला आहे. आता या आठवड्यापासून महिलांना जिम आणि पार्कमध्ये जाण्यावर बंदी लागू झाली आहे. लोकांनी आदेशाचे पालन केले असते तर आम्हाला हे पाऊल उचलावे लागले नसते, असे ते म्हणाले.
ते म्हणाले की बहुतेक प्रसंगी आम्ही अनेक उद्यानांमध्ये स्त्री आणि पुरुष एकत्र पाहिले. या काळात हिजाबसारखे कायदे पाळले जात नव्हते. त्यामुळे आम्हाला दुसरा निर्णय घ्यावा लागला. संयुक्त राष्ट्रांचे विशेष प्रतिनिधी अॅलिसन डेव्हिडियन यांनी या बंदीचा निषेध केला आहे.
