पाकिस्तानमध्ये दोन गाड्यांच्या धडकेत मोठा अपघात, 30 ठार, अनेक जखमी

पाकिस्तानमध्ये पुन्हा एकदा मोठा रेल्वे अपघात झाला आहे. यात आतापर्यंत 30 लोकांचा मृत्यू झाला आहे, तर बरेच लोक जखमी असल्याचे सांगण्यात येत आहे. मिल्लत एक्स्प्रेस आणि सर सय्यद एक्सप्रेस या दोन गाड्यांच्या दरम्यान सिंध प्रांतातील डहारकी आणि रेती रेल्वे स्थानकांदरम्यान धडक झाल्यामुळे हा भीषण अपघात झाला. जखमींपैकी अनेकांची प्रकृती गंभीर असल्याचे सांगितले जात आहे. तसेच मृतांची संख्या वाढण्याची शक्यता आहे.