विमानाच्या चाकांजवळ बसून एका व्यक्तीने अडीच तास प्रवास केला

लोक विमानात जाण्याचे स्वप्न पाहतात. आपण आपला पहिला प्रवास अविस्मरणीय बनवण्यासाठी वेगवेगळ्या गोष्टी करत असंता. पण कल्पना करा की विमानाच्या लँडिंग गिअरवर बसून एखादी व्यक्ती आली तर आश्चर्य वाटेल. असेच एक प्रकरण अमेरिकेतून समोर आले आहे जिथे एका व्यक्तीने विमानाच्या लँडिंग गियरजवळ बसून प्रवास केला आहे. या व्यक्तीचे फोटोही व्हायरल झाले आहेत.

ही घटना अमेरिकन एअरलाइन्समधून समोर आली आहे.एका वृत्तानुसार, ग्वाटेमालाहून मियामीला जाणाऱ्या फ्लाइटमध्ये हा माणूस विमानाच्या आत नसून विमानाच्या लँडिंग गिअरमध्ये बसला होता. जेव्हा तो बसला तेव्हा लोक त्याला पाहू शकत नव्हते. एवढेच नाही तर विमान सुमारे दोन तास 30 मिनिटे हवेत राहिले आणि तो तिथेच बसून राहिला.

आश्चर्याची गोष्ट म्हणजे ती व्यक्ती तिथून हटली नाही. मियामीमध्ये विमान उतरताच लोक उतरू लागले आणि विमानतळाचे कर्मचारी कामाला लागले. तेवढ्यात अचानक एका कर्मचाऱ्याची नजर त्या व्यक्तीवर पडली. हा माणूस लँडिंग गियरवर बसला होता आणि तिथेच घुसमटून बसला होता. दोन कर्मचाऱ्यांनी त्याला तेथून वाचवले आणि रुग्णालयात नेले, त्याची प्रकृती ठीक असल्याचे सांगण्यात येत आहे.

अहवालात म्हटले आहे की ग्वाटेमालाहून मियामीला पोहोचण्यासाठी विमानाला सुमारे दोन तास 30 मिनिटे लागली. तोपर्यंत ही व्यक्ती 33,000 फूट उंचीवर लँडिंग गियरजवळ बसली होती. या व्यक्तीची छायाचित्रे समोर येताच तो कसा वाचला याचा धक्काच लोकांना बसला.