Surgical Strike In Pakistan पाकिस्तानमध्ये पुन्हा सर्जिकल स्ट्राइक, जैश अल-अदालचा टॉप कमांडर ठार

Surgical Strike In Pakistan इराणच्या लष्कराने पाकिस्तानमध्ये सर्जिकल स्ट्राईक केला आहे. या सर्जिकल स्ट्राईकमध्ये जैश अल-अदल या दहशतवादी संघटनेचा टॉप कमांडर इस्माइल शाह बक्शसह अनेक दहशतवादी मारले गेले आहेत. याच दहशतवादी संघटनेने डिसेंबर 2023 मध्ये सिस्तान बलुचिस्तान प्रांतातील एका पोलिस स्टेशनवर हल्ला करून 11 पोलिसांची हत्या केली होती. या हल्ल्यामागे जैश अल-अदलचा हात असल्याचे मानले जात होते. याआधीही अलीकडच्या काही दिवसांत इराणने पाकिस्तानच्या सीमेवर हवाई हल्ले केले होते. त्यामुळे दोन्ही देशांमधील तणाव वाढला.

काय आहे जैश अल अदल?

जैश अल अदल याचे गठन 2012 साली झाले होते, ही एक सुन्नी संघटना आहे, जी इराणच्या दक्षिण-पूर्व प्रांत सिस्तान-बलुचिस्तानमधून कार्यरत आहे. इराण सरकार या दहशतवादी संघटनेला दहशतवादी संघटना मानते. इराणमधील अनेक हल्ल्यांमध्ये या संघटनेचा हात असल्याचे मानले जाते. सीरियात होत असलेले हल्ले आणि सिस्तान बलुचिस्तान प्रांतात इराणी सैन्याकडून सुन्नी लोकांवर होत असलेल्या कथित दडपशाहीच्या विरोधात जैश अल-अदलची स्थापना करण्यात आली आहे. जैश अल-अदलला इराणमधील सुन्नींसाठी सिस्तान बलुचिस्तान प्रांत मुक्त करायचा आहे.

जैश अल-अदल इराण आणि पाकिस्तानविरुद्ध स्वातंत्र्ययुद्ध करत आहे. तो पाकिस्तानवर हल्ला करून इराणमध्ये घुसतो आणि इराणवर हल्ला करून पाकिस्तानात घुसतो. त्यामुळे दोन्ही देश कारवाई करू शकत नाहीत. आता दोन्ही देशांनी करार केला आहे. या अंतर्गत दोन्ही देश सुरक्षेच्या बाबतीत सहकार्य वाढवतील.

भारतीय लष्कराने 2016 मध्ये सर्जिकल स्ट्राईक केला होता

2016 मध्ये उरी दहशतवादी हल्ल्यानंतर भारताने पाकिस्तानने पहिला सर्जिकल स्ट्राईक केला होता. यानंतरही पाकिस्तानच्या सवयी सुधारल्या नाहीत. 14 फेब्रुवारी 2019 रोजी पुलवामा येथे दहशतवादी हल्ला झाला होता. यामध्ये सीआरपीएफचे 40 जवान शहीद झाले. यानंतर भारताने पाकिस्तानमधील बालाकोटमधील दहशतवादी तळांवर गुप्तपणे हवाई हल्ले केले. इराणने नेमके उलटे केले आहे. प्रथम त्यांनी हवाई हल्ला केला. यानंतर आता सर्जिकल स्ट्राईक करण्यात आला आहे.