काबुलमध्ये विमानातून पडून मरण पावलेला तरुण फुटबॉलपटू होता

राष्ट्रीय युवा संघासाठी खेळणारा अफगाण फुटबॉलपटू काबुल विमानतळावरून विमान उड्डाणानंतर त्यातून पडून ठार झाला, असे स्पोर्ट्स फेडरेशनने गुरुवारी सांगितले.काबुलमध्ये अमेरिकन विमाना चाकांवर चढून बसलेल्या काही लोकांचा व्हिडिओ सोमवारी समोर आला आणि नंतर ते हवेतून खाली पडताना दिसले. मृतांमध्ये झाकी अनवरी  हा तरुण फुटबॉलपटू होता. अफगाणिस्तानमध्ये खेळांना प्रोत्साहन देण्यासाठी काम करणारी जनरल डायरेक्टरेट ऑफ फिजिकल एजुकेशन एंड स्पोर्ट्स ऑफ अफगाणिस्तान ने गुरुवारी झाकी अनवरीच्या मृत्यूची बातमी दिली. संस्थेने आपल्या फेसबुक पेजवर लिहिले, "इतर हजारो तरुणांप्रमाणेच अनवरी लाही देश सोडायचा होता पण अमेरिकन विमानातून पडून त्याचा मृत्यू झाला." तालिबान्यांनी देशाचा ताबा घेतल्यानंतर हजारो लोकांनी देश सोडला आहे आणि अजूनही तेथून बाहेर पडण्याचा प्रयत्न करत आहेत.

सोमवारी, असे व्हिडिओ समोर आले जेव्हा काबुल विमानतळावर लोक विमानात चढण्याचा प्रयत्न करताना धक्काबुक्की करताना दिसले.काही लोक विमानाच्या चाकावर आणि त्याच्या पंखांवर बसले होते. एक अमेरिकन विमान आपल्या लोकांसह उड्डाण करण्यासाठी रनवे सोडत असताना,लोक अजूनही विमानाच्या मागे धावत होते आणि त्यातील काही त्याच्या पंखांवर चढले. नंतर एका व्हिडिओमध्ये लोक विमानातून खाली पडताना दिसले.या सी -17 अमेरिकन विमानाच्या चाकांवर मानवी मृतदेहाचे तुकडे चिकटलेले आढळले.अमेरिकेच्या हवाई दलाचे प्रवक्तेने सांगितले, "विमानातून सामान उतरण्यापूर्वीच शेकडो लोकांनी त्याला घेरले. सुरक्षा परिस्थिती सतत बिघडत असल्याने, विमानाच्या क्रूने शक्य तितक्या लवकर बाहेर पडण्याचा निर्णय घेतला.'' तालिबान्यांनी सोमवारी ताब्यात घेतल्यापासून 18,000 हून अधिक लोकांना काबूलमधून बाहेर काढण्यात आले आहे.