तीन महिन्यांहून अधिक काळ रशियन हल्ल्यांचा सामना करणाऱ्या युक्रेनने काळ्या समुद्रात महत्त्वपूर्ण विजय मिळवला आहे. युक्रेनने आपल्या युद्धनौका आणि नौदल तळांवर केलेल्या अथक हल्ल्यामुळे त्रासलेल्या रशियन सैन्याने काळ्या समुद्रातील स्नॅक बेट रिकामे केले आहे.
यामुळे युक्रेनियन बंदरांवरून होणारी रशियन नाकेबंदी संपुष्टात येईल.
दुसरीकडे, मॉस्कोने असा दावा केला की त्यांनी सद्भावना म्हणून स्नॅक आयलँड रिकामे केले. दरम्यान, अमेरिकेने युक्रेनला लष्करी सहकार्य म्हणून 800 दशलक्ष डॉलरची अतिरिक्त मदत जाहीर केली आहे.
युक्रेनमधील मानवतावादी मदत कार्यक्रमात व्यत्यय आणू नये म्हणून ते बेटावरून माघार घेत असल्याचे रशियन परराष्ट्र मंत्रालयाने म्हटले आहे. दुसरीकडे, युक्रेनचे राष्ट्राध्यक्ष वोलोडिमिर झेलेन्स्की यांचे चीफ ऑफ स्टाफ आंद्रे येरमाक यांनी ट्विट केले तोफखाना आणि क्षेपणास्त्र हल्ल्यांमुळे रशियन सैन्याला पळून जावे लागले आहे.
दुसरीकडे, नाटोने युक्रेनियन सैन्याचे आधुनिकीकरण करण्याचे मान्य केल्यानंतर रशियाने गुरुवारी पूर्व युक्रेनमध्ये हल्ले वाढवले. रशियन सैन्य लिसिचान्स्कमधून लोकांना बाहेर काढण्याचा प्रयत्न करत आहे. रशियन सैन्य आणि युक्रेनियन फुटीरतावाद्यांनी लुहान्स्कचा 95 टक्के आणि डोनिस्कचा अर्धा भाग ताब्यात घेतला आहे.