GT vs MI: रोमांचक सामन्यात मुंबई इंडियन्सने गुजरात टायटन्सचा 5 धावांनी पराभव केला

GT vs MI, IPL 2022: रोहित शर्माच्या नेतृत्वाखालील मुंबई इंडियन्सने IPL 2022 च्या 52 व्या सामन्यात गुजरात टायटन्सचा 5 धावांनी पराभव केला. मुंबई इंडियन्सचा हा सलग दुसरा विजय आहे, तर गुजरातने सलग दुसरा सामना गमावला आहे. प्रथम फलंदाजी करताना मुंबईने गुजरातसमोर 178 धावांचे लक्ष्य ठेवले होते. मुंबईकडून इशान किशनने 45, रोहित शर्माने 43 आणि टीम डेव्हिडने 44 धावांची नाबाद खेळी केली. गुजरातकडून राशिद खानने सर्वाधिक दोन बळी घेतले. लक्ष्याचा पाठलाग करताना गुजरात संघाचे सलामीवीर वृद्धिमान साहा (55) आणि शुभमन गिल (52) यांनी चांगली सुरुवात करून पहिल्या विकेटसाठी 106 धावा जोडल्या. यानंतर मुंबईने जोरदार पुनरागमन केले. गुजरातला शेवटच्या दोन षटकात 20 धावांची गरज होती. बुमराहने 19व्या षटकात 11 धावा दिल्या. डॅनियल सॅम्सने शेवटच्या षटकात केवळ 3 धावा देत अप्रतिम गोलंदाजी केली.