KKR vs PBKS IPL 2023 : कोलकाता नाईट रायडर्सने पंजाब किंग्जचा पाच गडी राखून पराभव करून त्यांच्या प्लेऑफच्या आशा जिवंत ठेवल्या. या विजयासह कोलकाताचे 11 सामन्यांत 10 गुण झाले असून हा संघ गुणतालिकेत पाचव्या स्थानावर आला आहे. नाणेफेक जिंकून प्रथम फलंदाजी करताना पंजाब किंग्जने कोलकात्यासमोर 180 धावांचे लक्ष्य ठेवले होते. हे लक्ष्य कोलकाताने शेवटच्या चेंडूवर पाच विकेट्स गमावून पूर्ण केले.
कोलकाता नाईट रायडर्सने पंजाब किंग्जचा पाच गडी राखून पराभव केला. या सामन्यात पंजाबने प्रथम फलंदाजी करताना सात गड्यांच्या मोबदल्यात 179 धावा केल्या. प्रत्युत्तरात कोलकाताने शेवटच्या चेंडूवर पाच गडी गमावून लक्ष्य गाठले. या विजयासह कोलकाता नाईट रायडर्सचे 11 सामन्यांत 10 गुण झाले असून हा संघ गुणतालिकेत पाचव्या स्थानावर आला आहे. त्याचबरोबर पंजाब 11 सामन्यांत 10 गुणांसह गुणतालिकेत सातव्या स्थानावर आहे.
या सामन्यात पंजाबकडून कर्णधार शिखर धवनने सर्वाधिक 57 धावा केल्या. त्याचवेळी वरुण चक्रवर्तीने तीन आणि हर्षित राणाने दोन गडी बाद केले. कोलकाता नाईट रायडर्सकडून नितीश राणाने 51 आणि आंद्रे रसेलने 42 धावा केल्या. पंजाबकडून राहुल चहरने दोन बळी घेतले.
कोलकाताचा कर्णधार नितीश राणाने 37 चेंडूत आपले अर्धशतक पूर्ण केले. त्याने या खेळीत सहा चौकार आणि एक षटकार लगावला.