MS Dhoni IPL captaincy Record:IPL 2023 च्या 17 व्या सामन्यात आज चेन्नई सुपर किंग्ज आणि राजस्थान रॉयल्स (CSK vs RR) यांच्यात सामना होणार आहे. सीएसकेने त्यांच्या 3 सामन्यांत 2 सामने जिंकले आहेत, तर राजस्थान रॉयल्सने देखील 3 पैकी 2 सामने जिंकले आहेत. अशा स्थितीत हा सामना बर्बेरीची टक्कर असणार आहे. आजचा सामना धोनीसाठी खूप मोठा आहे. मैदानात उतरताच धोनी एक विक्रम करेल जो ऐतिहासिक असेल. धोनी (Dhoni)कोणत्याही एका संघासाठी 200 सामन्यांचे कर्णधार करणारा IPL मधील पहिला क्रिकेटर बनेल. धोनीने आतापर्यंत चेन्नई सुपर किंग्जसाठी 199 आयपीएल सामन्यांचे नेतृत्व केले आहे. सीएसकेचे कर्णधार असताना राजस्थानविरुद्धचा सामना हा त्याचा 200 वा सामना असेल.
धोनीने आयपीएलमध्ये 2013 सामन्यांचे नेतृत्व केले आहे, 199 सामन्यांमध्ये सीएसकेचे नेतृत्व केले आहे, तर माहीने 14 सामन्यांमध्ये रायझिंग सुपरजायंट्सचे नेतृत्व केले आहे. एकंदरीतच आयपीएलमध्ये धोनीचा कर्णधार म्हणून रेकॉर्ड उत्कृष्ट राहिला आहे. 2013 सामन्यांमध्ये कर्णधार असताना धोनीच्या संघाने 125 सामने जिंकले आहेत तर 87 सामन्यांमध्ये पराभव पत्करावा लागला आहे. एका सामन्यात निकाल लागला नाही.
याशिवाय धोनीने सीएसकेसाठी (राजस्थानविरुद्धच्या सामन्यापूर्वी) 199 सामन्यांचे नेतृत्व केले आहे. ज्यामध्ये चेन्नईने 120 सामने जिंकले असून सीएसकेने 78 सामन्यांमध्ये पराभव पत्करला आहे. याशिवाय संघाचे कर्णधारपदाच्या विक्रमात रोहित शर्मा दुसऱ्या क्रमांकावर आहे, शर्माने 146 सामन्यांमध्ये मुंबई इंडियन्सचे कर्णधारपद भूषवले आहे. यानंतर विराट कोहलीचा क्रमांक येतो, कोहलीने 140 सामन्यांमध्ये RCBचे नेतृत्व केले.
धोनीने केवळ कर्णधारपदात चमत्कारच केला नाही तर त्याने आपल्या बॅटने अनेक धावाही केल्या आहेत. धोनीने आयपीएलमध्ये 24 अर्धशतकांसह 5,004 धावा केल्या आहेत. धोनीची आयपीएलमध्ये नाबाद 84 ही सर्वोच्च धावसंख्या आहे.