IPL 2024 : राजस्थान रॉयल्सने घेतला मोठा निर्णय,तनुष कोटियनचा संघात समावेश

राजस्थान रॉयल्सने मोठा निर्णय घेत एका घातक फिरकीपटूला संघात प्रवेश दिला आहे. वास्तविक, ऑस्ट्रेलियाचा घातक लेगस्पिनर ॲडम झाम्पा त्याच्या व्यस्त वेळापत्रकामुळे स्पर्धेतून बाहेर पडला आहे. अशा परिस्थितीत संघ व्यवस्थापनाने मुंबईच्या तनुष कोटियनचा संघात समावेश केला आहे. 

या 25 वर्षीय गोलंदाजाने रणजी ट्रॉफीच्या चालू हंगामात 10 सामन्यांत 29 बळी घेतले होते. मुंबईला ४२व्यांदा या स्पर्धेचे जेतेपद मिळवून देण्यात तनुषने महत्त्वाची भूमिका बजावली. विदर्भाविरुद्ध त्याने पहिल्या डावात तीन तर दुसऱ्या डावात चार बळी घेतले. संपूर्ण मोसमात धमाकेदार कामगिरी करणाऱ्या या खेळाडूला टूर्नामेंटमधील सर्वोत्तम खेळाडूचा किताब देण्यात आला.

2008 च्या विजेत्या संघ राजस्थान रॉयल्सला मात्र स्पर्धा सुरू होण्यापूर्वी ॲडम झंपाच्या रूपाने मोठा फटका बसला. गेल्या वर्षी झालेल्या आयपीएल लिलावात ऑस्ट्रेलियन खेळाडूला राजस्थानने दीड कोटी रुपयांना विकत घेतले होते. मात्र, या मोसमातील व्यस्त वेळापत्रकामुळे त्याने स्पर्धेतून आपले नाव मागे घेतले. जम्पाने गेल्या वर्षी राजस्थानसाठी सहा सामने खेळले आणि आठ विकेट घेतल्या.

Edited By- Priya Dixit