Dharma Sangrah

RR vs RCB: आरसीबी चा सलग तिसरा पराभव, राजस्थान अव्वल

Webdunia
रविवार, 7 एप्रिल 2024 (10:42 IST)
रॉयल चॅलेंजर्स बंगळुरूचा (आरसीबी) फलंदाज विराट कोहलीने आपला उत्कृष्ट फॉर्म सुरू ठेवत राजस्थान रॉयल्सविरुद्ध त्याच्या आयपीएल कारकिर्दीतील आठवे शतक झळकावले, मात्र राजस्थानचा सलामीवीर जोस बटलरने झंझावाती शतक झळकावून कोहलीचे सेलिब्रेशन उधळले. कोहलीच्या नाबाद 113 धावांच्या बळावर आरसीबीने 20 षटकांत तीन गड्यांच्या मोबदल्यात 183 धावा केल्या होत्या, मात्र जोस बटलरच्या नाबाद 100 धावा आणि कर्णधार संजू सॅमसनच्या अर्धशतकी खेळीच्या जोरावर राजस्थानने पाच चेंडू शिल्लक असताना चार गड्यांच्या मोबदल्यात 189 धावा केल्या. आणि सामना जिंकला. 

आरसीबीवरील या विजयासह, राजस्थान संघ चार सामन्यांत चार विजयांसह आठ गुणांसह गुणतालिकेत अव्वल स्थानावर पोहोचला आहे, तर कोलकाता नाईट रायडर्स (KKR) संघ सहा गुणांसह दुसऱ्या स्थानावर आहे. त्याचवेळी, सलग तीन पराभवानंतर आरसीबी संघ पाच सामन्यांतून चार पराभव आणि एका विजयासह दोन गुणांसह आठव्या स्थानावर घसरला आहे. 
 
राजस्थानचा कर्णधार संजू सॅमसनने नाणेफेक जिंकून प्रथम गोलंदाजी करण्याचा निर्णय घेतला आणि आरसीबीसाठी कर्णधार फाफ डुप्लेसिस आणि विराट कोहली डावाची सुरुवात करण्यासाठी आले. विराट कोहली आणि कर्णधार फाफ डुप्लेसिस या सलामीच्या जोडीने आरसीबीला राजस्थान रॉयल्सविरुद्ध दमदार सुरुवात केल्याने सॅमसनचा निर्णय उलटला. पहिल्या विकेटसाठी पॉवरप्ले संपेपर्यंत दोन्ही फलंदाजांनी अर्धशतकी भागीदारी पूर्ण केली. सहा षटके संपल्यानंतर आरसीबीने एकही विकेट न गमावता 53 धावा केल्या होत्या.

पॉवरप्ले दरम्यान आरसीबीने एकही विकेट गमावली नसल्याची या मोसमातील ही पहिलीच वेळ आहे. त्याचवेळी विराट कोहली पॉवरप्लेमध्ये या मोसमात सर्वाधिक धावा करणारा खेळाडू ठरला. या कालावधीत कोहलीने आतापर्यंत 121 धावा केल्या आहेत. या दोन फलंदाजांमधील ही शतकी भागीदारी लवकरच पूर्ण झाली. कोहली आणि डुप्लेसिस यांनी आयपीएलमध्ये पाचव्यांदा शतकी भागीदारी केली आणि आयपीएलमध्ये सर्वाधिक शतकी भागीदारी करणारी संयुक्त दुसरी जोडी बनली. 
 
Edited By- Priya Dixit  
 

संबंधित माहिती

सर्व पहा

नक्की वाचा

Shree Mangeshi Rathyatra Goa 2026 श्री मंगेशी रथयात्रा गोवा बद्दल संपूर्ण माहिती

संत तुकाराम महाराजांचे ५ अभंग जे तुमचे जीवन बदलू शकतात

Essay on Corruption: भ्रष्टाचार: देशाच्या प्रगतीतील मोठा अडथळा

Weight Loss Recipe वजन कमी करायचे आहे? नाश्त्याला बनवा कमी तेलातले बाजरीचे अप्पे

नवर्‍याला 'अहो' म्हणण्यामागे दडलंय तरी काय? मराठी संस्कृतीतील त्यामागचे खास कारण माहित आहे का!

सर्व पहा

नवीन

स्मृती मंधानाने WPL फायनलमध्ये अर्धशतकासह एक मोठी कामगिरी करत इतिहास रचला

बंगळुरूने दिल्लीचा ६ विकेट्सने पराभव करून दुसरे WPL जेतेपद पटकावले

क्रिकेटच्या नियमांमध्ये बदल

T20 World Cup सकाळपासून रात्रीपर्यंत क्रिकेटचा थरार; ऑस्ट्रेलिया आणि न्यूझीलंडसह एकूण आठ संघ आज खेळणार

रणजी ट्रॉफीच्या एका महत्त्वाच्या सामन्यापूर्वी संघाला मोठा धक्का; स्टार फलंदाजाला रुग्णालयात दाखल

पुढील लेख
Show comments