लोकसभा निवडणुकीत भाजपने दणदणीत विजय मिळवले आहे. बहुमताकडे वेग धरल्यानंतर भाजपचे पंतप्रधान नरेंद्र मोदी यांनी देशवासियांचे आभार मानले आहे. सोबतच मोदींनी आपल्या ट्विटर अकाउंटवरून 'चौकीदार' शब्द हटवला आहे.
मोदींनी ट्विट केले की 'आता चौकीदाराची ही प्रेरणा पुढल्या टप्प्यावर नेण्याची वेळ आली आहे, चौकीदाराची ही प्रेरणा जिवंत ठेवून भारताच्या प्रगतीसाठी काम सुरू ठेवा. 'चौकीदार' हे नाव माझ्या ट्विटरवरून जात असलं तरी ते माझं अभिन्न अंग असेल. तुम्हालाही असं करण्याची मी विनंती करतो,' असे आवाहन पंतप्रधानांनी नागरिकांना केले आहे.