Statue of Liberty in Punjab: भारत हा केवळ इतका अद्भुत देश नाही. येथे राहणारे लोक प्रत्येक कामात चमत्कार करतात. नम्रतेची गोष्ट असेल तर ते कोणत्याही मर्यादेपर्यंत झुकायला तयार असतात, पण कोणी त्यांचा अपमान केला तर आरसा दाखवायला ते कधीच मागे हटत नाहीत. असाच एक धक्कादायक प्रकार समोर आला आहे.
<
Just In: Man from Punjab installs Statue of Liberty on his rooftop after his US visa application gets rejected ???? pic.twitter.com/GfnRk9vJn6
घराच्या छतावर स्टॅच्यू ऑफ लिबर्टी : खरंतर पंजाबमधील एक व्हिडिओ सोशल मीडियावर मोठ्या प्रमाणात व्हायरल होत आहे. ज्यामध्ये स्टॅच्यू ऑफ लिबर्टी घराच्या छतावर दिसत आहे. या घरातील लोकांना अमेरिकेला जायचे होते. पण अमेरिकेने व्हिसा देण्यास नकार दिला. ज्याच्यामुळे या घरातील लोकांनी स्वतःच्या घरात अमेरिका निर्माण केली. त्यांनी आपल्या घराच्या गच्चीवर स्टॅच्यू ऑफ लिबर्टी बसवला
व्हायरल झालेला व्हिडिओ पंजाबमधील तरनतारन जिल्ह्यातील एका गावातील असल्याचे सांगण्यात येत आहे. ज्यामध्ये काही लोक एका बांधकामाधीन घराच्या छतावर क्रेनच्या मदतीने स्टॅच्यू ऑफ लिबर्टी ठेवताना दिसत आहेत. या व्हिडिओवर सर्व प्रकारच्या प्रतिक्रिया येत आहेत. एका ने लिहिले आता स्टॅच्यू ऑफ लिबर्टी पाहण्यासाठी अमेरिकेत जाण्याची गरज नाही, तुम्ही या घरात जाऊ शकता.
याआधीही अशा घटना घडल्या आहेत: याआधीही पंजाबमधील एका व्यक्तीने आपल्या घरात स्टॅच्यू ऑफ लिबर्टी बसवला होता. मार्च महिन्यात कॅनडात राहणारे दलबीर सिंग यांनी जालंधरमधील त्यांच्या घराच्या छतावर स्टॅच्यू ऑफ लिबर्टी बसवला होता.
पीआरटीसीची बस छतावर :जालंधरमध्ये पीआरटीसीच्या एका निवृत्त कर्मचाऱ्याने घराच्या छतावर पीआरटीसीची बस उभी केली होती.या नंतर त्यांचे घर ''बस वाली कोठी'' या नावाने प्रसिद्ध झाले. रेशम सिंगने पीआरटीसीमध्ये काम केलेल्या या गावातील इतर लोकांसाठीही या बसमध्येसीट देखील बसवल्या होत्या.आपल्या आणि पीआरटीसीमध्ये काम करणाऱ्या सर्वांच्या आठवणी ताज्या ठेवण्यासाठी त्यांनी घराच्या छतावरच बस बांधली असल्याचे त्यांनी सांगितले.
सध्या पंजाबमधील हे कुटुंब सोशल मीडियावर व्हायरल होत आहे, ज्यांनी त्यांच्या घराच्या छतावर स्टॅच्यू ऑफ लिबर्टी बनवला आहे. अमेरिकेने त्यांना व्हिसा देण्यास नकार दिल्याने कुटुंब संतप्त झाले होते.म्हणून त्यांनी चक्क घरावरच स्टॅच्यू ऑफ लिबर्टी बनवला.